Mirza Ghalib
''Ibtida hoti hai tere naam se''
**************************************************
Some Urdu Ash'aar
**************************************************
*
Tujh sa sukhanshnaas koee doosra nahin
Sun ai khayaal-e-yaar Ghazal keh rahaa hoon main
*
Udhar usne angrhaaee li baam par
Idhar Ghazal ki ibtida ho gaee
*
Mehboob ka ghar ho ya bazurgon ki zameene
Jo chod diya phir kabhi mudhkar nahin dekha
*
Main door ja raha hoon, safar hai kathin bahut
Ai Maan mere wujood ka sadka utaar day
*
Yeh faasle to ufak say zyaada door nahin
Zameen par utar aaogay aasmaan ki tarah
*
Mere paas se guzar kar mera haal tak na poosha
Main yeh kaise maan jaaoon ki wo dur jaake roe
*
Ek viraana yahaan umar bita di maine
Teri tasveer laga di hai to ghar lagta hai
*
Na jaane kaun sa ghar zaalimon ne foonk dia
Buland itne the sho'ale ki jal gae baadal
*
Ajab chiraag hoon, din raat jalta rehta hoon
Main thak gaya hoon-havaa se kaho bujhaae mujhe
*
Haan mere gham to utha leta hai, ghmkh'ar nahin
Dil yoon mera hai magar mera tarafdaar nahin
*
Pehle kaanton ko bhi seene se lagaa lete the
Ab koee phool bhi deta hai to dar lagta hai
*
Kush der tak to us se meri guftgoo rahi
Fir yeh huwa ki wo mere lehze men dhal gaya
*
Main chaahta hoon ki tum hi mujhe ijazat do
Tumhaari taraha se koee gale lagaae mujhe
*
Saaya hoon to fir saath na rakhne ka sabab qia
Pathhar hoon to raste se hata qion nahin dete
*
Nasha aa jaae mujhe teri jawaani ki qasam
Tu agar jaam men bhar ke mujhe paani de de
*
Neend uski hai, dimaag uska hai, raaten uski hain
Teri zulfen jiske shaanon pe rarishaan hi gaeen
*
Waqat khush khush kaatne ka mashwara deta huaa
Ro parha wo aap mujhko hausala deta huaa
*
Jaaoonga achanak to sabhi chaunk parhenge
Ik umar huee din men kabhi ghar nahin dekha
*
Khilbat-o-jalbat men tum mujhse mili ho baarha
Tumne qia dekha nahin- main muskura sakta nahin
*
Nashtar hai mere haath men, kaandhon pe maikada
Lo main ilaaj-e-dard-e-jigar leke aa gaya
*
Main maikade ki orse hokar guzar gaya
Varana safar hayaat ka kaafi tabeel tha
*
Tune to ek hi sadme se kia tha do chaar
Dil ko har tarah se barbaad kia hai maine
*
Kush to rangeen hai waise bhi dil-o-jaan ki baat
Aur kush khoon-e-jigar ham bhi mila dete hain
*
Tumhen to waada-e-didaar hamse karna tha
Yeh qia kia ki jahaan ko umeedbaar kia
*
Apne apne hausale apni talab ki baat hai
Chun lia hamne tumhen saara jahaan rehne dia
*
Maana ki tere lutf-o-karam behisaab hain
Mere gunaah bhi aa nahin sakte shumaar men
*
Aisa na ho yeh dard bane dard-e-ladava
Aisa na ho ki tum bhi madaava na kar sako
*
Raat ko din se milaane hi hawas thi hum men
Kaam achha na tha anjaam bhi ashha na hua
*
Junoon-e-ishaq men hum had se barh gae varana
Kisi men taab kahan thi hamen mitaane ki
*
Ajab nahin ki Khuda arsh se utar aae
Ab aadmi ko kush apna khayaal aaya hai
*
Tere jamaal ka jab tak na izan mil jaae
Kisi chiraag ko jalne ka ikhtiaar nahin
*
Maathe ke pasine ki mehak aae na jis se
Wo khoon mere jisam men gardish nahin karta
*
Is bulandi pe kitna tanha hoon
Kaash main sab ke baraabar hota
*
Jiske aane ki khabar thi agar aaya hota
Humne qia qia na isi ghar ko sajaaya hota
*
Andhere ghar jo chale aae raushani ke lie
Hum apna ghar na jalaate bhala to qia karte
*
Mar chuk kahin ki tu gham-e-hijraan se shoot jaae
Kehte to hain bhale ki wo lekin buri tarah
*
Mujhse tu pooshne aaya hai wafaa ke maa'ne
Yeh teri saadadili maar na daale mujhko
*
Alag alag sahi dunyaan ka aur dost ka gham
Kabhi yunhin zaraa dekho inhen milaa kar bhi
*
Le mere tazarubon se sabaq ai mere raqeeb
Do chaar saal umar men tujh se badha hoon main
*
Rehne do mat bujhaao mere aansuon ki aag
Is kashmkash men aapka daaman na jal padhe
*
Is tarah tujh se kie hain shikwe
Mujhko apne se gila ho jaise
*
Sharm samjhe tere tagaaful ko
Waah qia hoshiaar hum bhi hain
*
Abar-e-awaara se hai mujhko wafaa ki umeed
Bark-e-betaab se shiqba hai ki paainda nahin
*
Lambi siaah raat guzarti hai is tarah
Main jaagta yahaan hoon wahaan jaagte ho tum
*
Ik ik karke hue jaate hain taare raushan
Meri manzil ki taraf tere kadam aate hain
*
Jeet le jaae koee mujhko naseebo waalaa
Zindgi ne mujhe daao pe laga rakha hai
*
Meri taqdeer men likhi huee hai gehraaee
Main apni fiqar men dooba hua samundar hoon
*
Kitne parwaane jale raaz yeh paane ke lie
Shama jalne ke lie hai ja jalaane ke lie
*
Khud tumhen chak-e-girebaan ka shaoor aa jaaega
Tum wahaan tak aa to jaao hum yahaan tak aa gae
*
Kabhi hayaat ki zaamin kabhi waseela-e-marag
Nigaah-e-dost tera koee etbaar nahin
*
Zamaana abhi tak sazaa pa raha hai
Khataa ho gaee thi kabhi aadmi se
*
Jab bhi dekhi hai kisi chihre pe ik taazaa bahar
Dekh kar main teri tasveer puraani royaa
*
Jis ko jaana hi nahin us ko khuda qion maane
Aur jise jaan chuke hain wo khuda kaise ho
*
Sheeshe ki deewaar na tooti taare todhne waalon se
Ishaq men jo sunte aae hain kisse hain, afsaane hain
*
Mere hothon ka tabassum de gayaa dhokha tujhe
Toone mujhko baagh samjha dekh le sehra hoon main
*
Kaise hamdard ho tum kaisi masihaaee hai
Dil pe nashtar bhi chalaate ho to marham ki tarah
*
Main wo mehroom ki jaise koee veeraana ho
Tu wo khushfeham khraabon se khazaane maange
*
Doobte doobte kashti ko ushaala de doon
Main nahin koee to saahil pe utar jaaegaa
*
Main zinda tha ki tera intizaar khatam na ho
Jo tu mila hai to ab sochta hoon mar jaaoon
*
Ho na jaae kahin daaman ka shudhaana mushkil
Mujhko diwaana banaate ho yeh qia karte ho
*
Hawaa ke dosh pe rakhe huwe chiraag the hum
Jo bujh gae to hawaa se shikayaten kaisi
*
Jisko toone na aazmayaa ho
Wo kahin par bhi kamyaab nahin
*
Gar meri justjoo hai to mera pata na poosh
Damaan-e-dasat se koee zaraa utha ke dekh
*
Zaraa-e-khaq hoon parwaaz ki hasrat hai mujhe
Aandhio tez chalo aur udhaa lo mujhko
*
Wo kitna hoshmand tha jo mere naam pe
Mashhoor khud huwa mujhe ruswaaee de gayaa
*
Hai husool-e-aarzoo ka raaz tarq-e-aarzoo
Maine dunyaan shodh di to mil gaee dunyaan mujhe
*
Din bhar ki mushakkat se badan toot raha hai
Ai shab tu mujhe Maan ki tarah god men le le
*
Main ek zaraa bulandi ko shoone nikla tha
Hawaa ne tham ke zameen par giraa diyaa mujhko
*
Main khudaa ke khauf se darta hoon lekin yaad rakh
Baat jab had se badhi rasmen utha di jaaengee
*
Ab aage tum pe bhi mumkin hai koee baat aae
Jo hukam ho to yaheen shodh doon fasaane ko
*
Main chaahta bhi yehi tha wo bewafaa nikle
Use smjhne ka koee to silsila nikle
*
Kitne bhi ghanere hon teri zulaf ke saae
Ik raat men sadion ki thakan kam nahin hoti
*
Tamaasha dekh rahe the jo doobne ka mera
Meri talaash men nikle hain kashtiaan lekar
*
Daamn-e-dard ko gulnaar bana rakha hai
Aawo ik din dil-e-purkhoon ka hunar to dekho
*
Bekhayaali men kabhi ungaliaan jal jaaengee
Raakh guzre huwe lamhon ki kureda na karo
*
Saafr-e-shab ka takaaza hai tere saath rahoon
Waqat purhaul hai toofaan hai aane wala
*
Tu rahega na tere sitam rahenge baaki
Din to aanaa hai kisi roz hisaabon wala
*
Hai mera zabt-e-junoon josh-e-junoon se barhkar
Nang hai mere lie chak-e-girebaan hona
*
Tumhin ne humko sunayaa na apna dukh varna
Duaa wo karte ki hum aasmaan hilaa dete
*
Ik roz is tarah bhi mere baazuon men aa
Mere adab ko teri hayaa ki khabar na ho
*
Khud ko yoon mahsoor kar baitha hoon apni zaat men
Manzilen chaaron taraf hain raasta koi nahin
*
Wo to dunyan ko meri diwaangi khush aa gaee
Tere haathon men vagarna pehla pathhar dekhta
*
Main jaanta hoon ki dunyan tujhe badal degi
Main maanta hoon ki aisa nahin bzahir tu
*
Kaash auron ki tarah main bhi kabhi keh sakta
Baat sun li hai meri aaj khuda ne mere
*
Naseeb phir koi taqreeb-e-karab ho ki na ho
Jo dil men hon vahi baaten kia karo us se
*
Meri zubaan ki nuksat se badgumaan na ho
Tu jo chaahe to tujhe umar bhar miloon bhi nahin
*
Pehle pehl ka ishaq abhi yaad hai hamen
Dil khud yeh chaahta tha ki ruswaaeean bhi hon
*
Ai khuda dard-e-dil hai bakhshish-e-dost
Aab-o-daana nahin ki tujh se kahen
*
Wo jisko bazurgon ki riwayat na rahe yaad
Us shakhash ki logo koi pehchaan nahin hai
*
Qion chandni raaton men darya pe nahaate ho
Soe huwe paani men qia aag lagaani hai
*
Yoon dekhti hai gumshuda lamhon ke modh se
Is zindgi se jaise koi vaasta na tha
*
Zinda rehne ki tamanna ho to ho jaate hain
Fakhtaaon ke bhi kirdaar ukaabon waale
*
Na kar kisi pe bharosa ki kashtaan doobin
Khuda ke hote huwe, nakhuda ke hote huwe
*
Aa ki ab tasleem kar len tu nahin to main sahi
Kaun maanenga ki hum men bewafa koi nahin
*
Mera khuloos behlta nahin hai lafzon se
Main tere khat ke nahin, tere intizaar men hoon
*
Wo hai jo salaamat to adaabat ka mazaa hai
Dushman ko kabhi jaan se maaraa nahin karte
*
Hairan hoon mere dil men samaae ho kis tarah
Waisay to do jahan men samaate nahin ho tum
*
De mujhko dilaasaa ki bahut toot chuka hoon
Mat pooch ki main kitni bulandi se gira hoon
*
Kaun kehta hai ki maot aaee to mar jaaoonga
Main to daryaa hoon samundar men utar jaaoonga
*
Unsay sheenkay say koyee cheez utarwayee hai
Kaam ka kaam hai andaayee ki angdaayee hai
*
Aati hai abhi tak tere khat say teri khushboo
Kuch phool khizaaon men bhi sookha nahin kartay
*
Main hoon insaan muhabbat ki zaroorat hai mujhay
Girti deewaar samajh kar na sanbhaalo mujhko
*
Hoon main toh pyaar ka pyaasa tum mujhsay pyaar say bolo
Tumhaari baat men zar kay hawaalay zehar lagtay hain
*
Mujhko sooli pay chadaanay ki zuroorat qia hai
Cheen lo qalam mere haath say-mar jaaoonga
*
Tamaam shehar mere saath tha magar mainay
Faqir-e-shehar kay haathon men apna haath diya
*
Itna samaa gaya hai zihan men tera wujood
Main jis taraf gaya wohi teri gali lagi
*
Gir jaao zameen pay toh utha legi yeh duniyaan
Lekin kabhi duniyaan ki nigaahon say na girna
*
Yaaro ajab nahin ki main girkay bikhar gaya
Usnay mujhay ushaal kay baazoo
hataa liye
